नेवाः नसा ब्वज्याय् जा नयेगु धेंधेंबल्लाः
किपू (सन्ध्या टाइम्स)/थौं सुथय् थनया थांबाहालय् जा नयेगु धेंधेंबल्लाः कासा न्ह्यात। नेवाः लहना रेष्टुराँया ग्वसालय् जूगु नेवाः नसा ब्वज्याया झ्वलय् थौं सुथय् उगु न्ह्यइपुगु धेंधेंबल्लाः जूगु खः। थौंया कासाय् १८ म्हेस्यां ब्वति काःगु खःसा उकी छम्ह सहभागीं दकलय् कम डेढ मिनेटं जा नये सिधयेकूगु खः। थ्वहे कासा कंस तक न्ह्याइ तिनि।
थौं सुथय् उगु नेवाः नसा ब्वज्या शुरु जूगु खः। कासाया हे झ्वलय् नेवाः लाइफ स्टाइल शो कथं नेवाः जीवन शैली ब्वयेगु ज्या नं जूगु खः। थौं हे धिमे थायेगु ज्याझ्वः नापं बहनी किपूया परम्परागत लाखे प्याखं नं पिकाइगु ग्वसाः दु ।
