येँय् कमल थापाया आन्दोलन

येँ (सन्ध्या टाइम्स)/थौं प्रजातन्त्र दिवस कुन्हु लाकाः राष्ट्रिय प्रजातन्त्र पार्टी नेपालं निगूगु चरणया खबरदारी आन्दोलन न्ह्याकीगु जूगु दु। राजसंस्था, संघीयता, धर्म निरपेक्षताया सवालय् जनमत संग्रह यायेमाःगु, इलय् हे संविधान दयेकेमाःगु नापं बजाःभाः क्वकायेमाःगु माग यासें उगु पार्टीं थनिंनिसें राजधानी केन्द्रित खबरदारी आन्दोलन कथं थौं सनिलया ३ बजे येँया ग्वंगःबुँ, सक्व, स्वयम्भु भगवानपाउ व कलंकीइ कोणसभा यायेगु ज्याझ्वः दयेकागु खँ पार्टीया सह महामन्त्री राजाराम श्रेष्ठं धयादीगु दु। आन्दोलनया हे झ्वलय् कन्हय् नं थाय्थासय् कोणसभा नापं मोटरसाइकल र्‍याली नं पिकायेगु जुइ धकाः वय्कलं कनादीगु दु ।