गोलीं कयेकाः ल्वापु

येँ (सन्ध्या टाइम्स)/पर्साया विश्रामपुर गाविसय् सशस्त्र प्रहरी व गजि तस्करतय् दुथइ गोलीं कयेकाः ल्वापु जूगु दु। वंगु चान्हय् सशस्त्र प्रहरी बेस क्याम्पया प्रहरी नायब निरीक्षक सुनिल कार्कीया नेतृत्वय् वंगु प्रहरीया पुचः व तस्करतय् दथुइ गोलीं कयेकाः ल्वापु जूगु खः। तस्करतय्सं फायरिङ याना हयेवं प्रहरीं नं च्यागू राउण्ड फायरिङ याःगु खः। उगु ल्वापुइ लानाः छुं नं मानवीय क्षति धाःसा जूगु मदु। प्रहरीं जवाफी फायरिङ याये धुनेवं तस्करत बिसिउँ वंगु खःसा प्रहरीं ३ क्विण्टल गजि बरामद याःगु दु ।