हत्याया विरोधय् बन्द

येँ (सन्ध्या टाइम्स)/उदयपुरया लुँ व्यापारीयात म्हमसिउपिं मनूतय्सं स्याना बिउगु विरोधय् थौं स्थानीय मनूतय्सं देउरीबजाः बन्द यात ।

बन्दं यातायात समेत चले मजूगुलिं जनजीवन प्रभावित जूगु दु। छेँय् हे द्यनाच्वंम्ह लुँ व्यापारी कालीराम चौधरीयात म्हमसिउपिं मनूतय्सं म्हिगः सुथय् स्याना बिउगु खः। स्थानीय मनूतय्सं हत्यारायात ज्वनाः कारवाही यायेमाःगु, पीडित परिवारयात क्षतिपूर्ति बीमाःगु, शान्ति सुरक्षाया व्यवस्था यायेमाःगु नापं थीथी कथंया माग तयाः बजाः व यातायात बन्द याःगु खः ।