वर्तमान सरकारया विकल्प मालेमज्यू : महत

नेपाली कांग्रेसया केन्द्रय दुजः डा रामशरण महतं कांग्रेस वर्तमान सरकारया विपक्षय् मदुगु स्पष्ट यानादिसें आःया सरकारया विकल्प मालेमज्यूगु खँ धयादीगु दु ।

नेपाल प्रेस युनियनं शुक्रवाः नुवाकोटय् याःगु पत्रकार नापलायेगु ज्याझ्वलय् वयेकलं इलय् हे संविधान निर्माण यायेमाःगु थौंया प्रमुख आवश्यकता जूगु धयादिसें संविधान जारी मजुतल्ले आःया सरकारया विकल्प मालेमज्यूगु बिचाः प्वंकादिल ।

सेना समायोजन विशेष समितिया दुजः नं जुयादिम्ह महतं माओवादी लडाकुत विशेष समितिया नियन्त्रण आःतक मवनीगु स्पष्ट यानादिसें समितिया कार्यविधि कार्यान्वयन यायेत थाकुयाच्वंगु धयादिल । अथेहे वयेकलं माओवादीं जनसंविधान जारी मजुसाः विद्रोह याये धकाः ब्यूगु अभिव्यक्तिं उगु पार्टी संविधान च्वयेगु ज्याय् प्रतिबद्ध मजूगु प्रमाणित जूगु द्वपं बियादिल ।