'शान्ति दक्वसियां दायित्व'

थौं खुइक्वःगु प्रजातन्त्र दिवस

राष्ट्रपति डा. रामवरण यादवं लोकतान्त्रिक संविधान निर्माण यानाः देशय् स्थायी शान्ति कायम यायेगु दक्वसियां दायित्व जूगु खँ धयादीगु दु । खुइक्वःगु प्रजातन्त्रत दिवसया लसताय् छगू सन्देश बियादिसें राष्ट्रपति यादवं लोकतन्त्रया बल्लाःगु जगय् च्वनाः देय् बचे यायेत व दयेकेगु गहन दायित्व पूवंकेगु क्षमता दक्वं नेपाःमि नाप दुगु धयादिल । नापं वयेकलं ऐतिहासिक अवसरया पूर्ण सदुपयोग व हाथ्याया समाना यायेत आपसी विश्वास, सदभाव, सहकार्य नापं सहमतिया पाखें सफल जुइगु धयादिल ।

अथेहे प्रजातन्त्र दिवसया लसताय् नेपाली कांग्रेसया सभापति गिरिजाप्रसाद कोइरालां छगू सन्देश बियादिसें न्हूगु संविधान च्वयेगु जिम्मेवारी पूवंकेफुसाः नेपाःमियात दक्वं कथंया संकटं मुक्त यायेफइगु धयादिल । वयेकल ताःहाकःगु संघर्ष लिपाः देय् गणतन्त्रात्मक पद्धतिलय् वंगु धयादिसें थुगु ऐतिहासिक अविभारायात एकता व सहमतिया आधारय् पूवंकेमाःगु खँय् बः बियादिल ।