लडाकुतय्त तलव मब्यूसाः गम्भीर परिणाम : भट्टराई
एकीकृत नेकपा (माओवादी)या उपाध्यक्ष डा. बाबुराम भट्टराईं लडाकुतय्त तलव मब्यूसाः गम्भीर परिणाम जुइगु खयाच्वः बियादीगु दु । वयेकलं सरकारं अथे याःसा शान्ति सम्झौताया उल्लंघन जुइगु नं धयादिल । अनमिन प्रमुख करिन ल्यानग्रेन नाप शुक्रवाः सुथय् जूगु खँल्हाबंला वयेकलं थ्व खँ धयादीगु खः ।
सरकारं लडाकु पुनःस्थापना व समायोजन प्रति माओवादीं ग्वाहलि मयाःगु व उदासीन जुगुलिं फागुनया निगूगु वा निसें लडाकुतय् तलव दिकेगु बुँख सार्वजनिक जूगु इलय् भट्टराईं उकीया प्ररिणाम गम्भीर जुइगु ख्याच्वः बियादीगु खः ।
खँल्हाबंलाय् ल्गानग्रेनं लडाकु समायोजन संविधान निर्माण न्ह्यः वा संविधान निर्माण लिपाः यायेगु बारे च्यूताः प्वंकादीगु खः । लिसःलय् नेता भट्टराईं संविधान निर्माण व लडाकु समायोजन नापनापं यंकेमाःगु धयादिल । उगु इलय् ल्यानग्रनं अयोग्य लडाकुतय् बहिर्गमन प्रकृया सफलता पूर्वक क्वचाःगु बारे प्रशनन्ता प्वंकादीगु खः ।
