जनतां शान्ति सुरक्षाया प्रत्याभुति यायेमफुत : राणा

राष्ट्रिय प्रजातन्त्र पार्टीया नायः पशुपति शमशेर राणां सरकारय् ब्वति दुगु दलतय्सं थ:थः भातृ संगठनतय्त अराजक कृयाकलापय् छ्यापं ब्यूगुलिं जनतां शान्ति सुरक्षाया प्रत्याभुति यायेमफुगु धयादीगु दु । शान्ति सुरक्षा बीत सरकार ताःमलाःगु धयादिसें वय्कलं दण्डहिनता क्वःचायेकेत दलत गम्भीर मजूगु द्बपं नापं बियादिल ।

बिहीवा: विराटनगरय् संचारकःमित नाप खँल्हाबल्हा यानादिसें नायः राणां जनअपेक्षा अःखः ज्या याइपिं दलतय्गु प्रवृतिपाखें जनता न्ह्याबलें हिंसाया शिकार जुइमाःगुलिं शान्ति प्रक्रियाय् लिच्वलय् थ्यंकेमफयाच्वंगु बिचाः प्वंकादिल ।