मचिकं व डिजेलया भाः थकाल
येँ (सन्ध्या टाइम्स)/नेपाल आयल निगमं थनिनिसें लागू जुइ कथं डिजेल व मचिकंया भाः थकाःगु दु। निगमया बोर्ड बैठकं डिजेल व मचिकं प्रति लिटरय् छतका भाः थकाःगु खः। निगमया वंगु चान्हय् च्वंगु बोर्ड बैठकं उगु भाः थकायेगु खँ क्वःछिउगु खःसा उकियात थनिंनिसें हे लागू याःगु खः। थ्व भाः थकायेधुंकाः आः बजारय् थुकिया अभाव मजुइगु खँ धाःगु दु ।
थकाःगु भावं मीवं निगमयात लछिया निगू करोड तका फाइदा जुइगु खँ निगमया प्रवक्ता मुकुन्द ढुगेलं धयादीगु दु। वय्कलं लछिया स्वंगू करोड ७५ लाख तक घाटा जुयाच्वंगुलिं थ्व भाः थकयागु खँ नं कनादिल ।
