इलय् संविधान जारी यायेत सरकार प्रतिबद्ध : प्रधानमन्त्री

प्रधानमन्त्री माधवकुमार नेपालं वइगु जेठ १४ गते दुने न्हूगु संविधान जारी यायेत सरकार प्रतिबद्ध दुगु खँ धयादीगु दु ।

नेपाल उत्पीडित जातीय मुक्ति समाजया न्याक्वःगु राष्ट्रिय सम्मेलनया बन्दसत्रय् न्वंवानादिसें वय्कलं देशय् शान्ति पलिस्था यायेगु, द्वन्द्व व्यवस्थापन, माओवादी सेना समायोजन व संविधान दयेकेगु ज्यायात वर्तमान सरकारया न्हापांगु प्राथमिकताय् दुगु धयादिल । क्वःछिनात:गु इलय् संविधान पिथनेत माओवादी प्रतिबद्ध मजूगु द्धपं बियादिसें प्रधानमन्त्री नेपालं धयादील 'माओवादी नायः प्रचण्डं थःगु नां थें हे प्रचण्ड मनलिसे ज्या यायेमाः, चीधंगु चित्त दयेकाः छुं हे फइ मखु ।'

सम्मेलनय् न्हय्न्यागुलिं जिल्लाया प्रतिनिधिपिनिगु ब्वति दु ।