'संचारमन्त्रीया धापू सरकारया आधिकारीक धारणा मखु'

संचार उद्यमी जमिम शाहया हत्या भारत व पाकिस्तानया तनावं जूगु धइगु सरकारया प्रवक्ता नापं सूचना व संचारमन्त्री शंकर पोख्रेलया धापू सरकारया आधिकारीक धारणा मजूगु खँ परराष्ट्र मन्त्रालयं जानकारी ब्यूगु दु । बुधवा: छगू विज्ञप्ति पिथना मन्त्रालयं शाहया हत्या प्रकरणय् अनुसन्धान यायेत सरकारं नीस्वंगु उच्चस्तरीय छानविन आयोगं ज्या न्ह्याकेधुंकूगु जानकारी नापं ब्यूगु दु ।

सोमवा: राजविराजय् छगू एफएमया उलेज्या ज्याझ्वलय् न्वंवानादिसें संचारमन्त्री पोखरेलं शाहया हत्या भारत व पाकिस्तान दथुइया तनावं जूगु अभिव्यक्ति बियादीगु खः । सरकारया प्रवक्ता नापं जुयाच्वनादीम्ह मन्त्री पोखरेलया उगु अभिव्यक्तिप्रति भारतीय दूतावासं मंगलवा: छगू प्रेस विज्ञप्ति पिथना उकी आपत्ति प्कंकूगु ख: ।