इलय् संविधान निर्माण यायेत सिटी पुया: दवाव

राष्ट्रव्यापी युवा दवाव अभियानं संविधान दयेकेगु ई सच्छिन्हु जक ल्यं दनीगु झ्वलय् थौं न्हू बानेश्वरया संविधानसभा भवन न्ह्यःने झिगू मिनेट सिटी पुयाः संविधान इलय् हे दयेकेत दवाब ब्यूगु दु ।

अभियानं बृहत् राजनीतिक सहमति कायम यासें क्वःछिनात:गु ई दुने संविधान दयेकेत व राजनीतिक दलया नेतातय्त सचेत यायेगु निंतिं उगु ज्याझ्वः याना:गु जानकारी ब्यूगु दु । ज्याझ्वःया कजि दीपककुमार भट्टराईं युवा वर्गया स्वतःस्फूर्त ग्वाहालि व ब्वतिइ वंगु बैशाखनिसें इलय् हे जनादेशकथंया संविधान दयेकेमाः धकाः दवाबमूलक ज्याझ्वः यानावयाच्वंगु जानकारी बियादिल ।