बेलायतया भारतीय दूतावासय् ज्ञापनपत्र
येँ (सन्ध्या टाइम्स)/बेलायतय् च्वंगु भारतीय दुतावासय् अन च्वंगु प्रगतिशील नेपाली समाजं नेपालय् अनावश्यक हस्तक्षेप मयायेत इनाप यासें ज्ञापनपत्र बिउगु दु।
ज्ञापनपत्रय् नेपाःया आन्तरिक मामिलाय् हस्तक्षेप मयायेत इनाप यासें सन् १९५० या सन्धि समेत खारेज यायेत माग यानातःगु दु ।
ज्ञापनपत्र बीधुंकाः जूगु सभाय् न्ववासें समाजया नायः रणबहादुर केसी, वाम बुद्धिजीवी ह्यारी पावेल, नेपाःया बुद्धिजीवी डा. बालगोपाल श्रेष्ठ आदिपिंसं न्ववानादीगु खः। वय्कःपिंसं सन् १९५० या सन्धिपाखें नेपाःयात जुयाच्वंगु द्यापं बारे ध्वाथुइकादीगु खः ।
