इलाम नगरपालिका ज्याकूथीइ तोडफोड

इलामा बजारय् मंगलवाः चान्हे तःधंगु मि च्याःगु इलय् नगरपालिकाया दमकल मछ्यःगु धासें आक्रोशित स्थनीयबासीतय्सं इलाम नगरपालिकाया ज्याकूथीइ तोडफोड यानाब्यूगु दु । आक्रोशित स्थानीयबासीतय् नगरपाललिकाय् मि च्याकेगु नापं अनया फर्निचर, लुखा, झ्या आदि तोडफोड यानाब्यूगु दु । नापं उमिसं इलाम बजारय् दुगु शहीद स्मारक नं स्यंकाब्यूगु दु ।

मंगलवाः चान्हे च्याःगु मिं झिच्याखाः छेँ ध्वस्त जूगु खसाः झिगू करोड बराबरया क्षति जूगु खः ।