थौं नागरिक दवाव र्याली
येँ (सन्ध्या टाइम्स)/लोकतन्त्र व शान्तिया नितिं नागरिक आन्दोलनपाखें क्वःछिनातःगु इलय् हे अग्रगामि संविधान जारी यायेमाःगु माग दवाव येँया न्यागू थासं नागरिक दवाव र्याली पिकाःगु दु ।
येँया कलंकी, ग्वंगःबुँ, यल, गौशाला व चाबही लागां न्हिनय् १ बजे पिकाइगु उगु न्यागुलिं र्याली रत्नपार्कय् थ्यंकाः नागरिक सभा यानाः क्वचायेकीगु ज्याझ्वः दु। उगु आन्दोलनं नागरिक खवरदारी सभा यायेगु नापं ४८ घण्टातक सत्याग्रह यायेगु नं घोषणा यानातये धुंकूगु दु।
