नेवाः भाजु मय्जु कासा याइगु

येँ (सन्ध्या टाइम्स)/जि नेक्सट् एजेन्सीं न्हापांखुसी नेवाः भाजु मय्जु कासा याइगु जूगु दु। नेवाः भाजु मय्जुपिनि दथुइ प्रतिभाया धेधेबल्लाः कासा यानाः सिरपाः बीगु कथं थ्व कासा यायेत्यनागु खँ उगु कासाया कजि उमा ताम्रकारं कनादीगु दु। झिंन्हय्दँनिसें नीप्यदँ तकया भाजु मय्जुपिं दुथ्याइगु उगु कासा वइगु चैत्र ६ गते येँय् जुइगु खँ ग्वसाः खलकं धाःगु दु। ल्याय्म्ह पुस्ता दथुइ नेवाः भाय् व नेवाः संस्कृति च्वन्ह्याकेगु ताः तयाः हे अथे कासा यायेत्यनागु खँ नं मय्जु ताम्राकारं 'सन्ध्या टाइम्स'यात कनादीगु दु ।