संपादकया राजीनामा
ख्वप (सन्ध्या टाइम्स) ख्वपं सनिवाः पिहां वइगु खय् भाय्या वाःपौ 'क्रान्तिकारी आवाज' वाःपौया कार्यकारी सम्पादक कृष्ण प्रजापतिं पदं राजीनामा बियादीगु दु ।
ख्वपया जिप्रकाय् दर्ता जुयाः नियमित रुपं पिहां वयाच्वंगु उगु वाःपौ छुं ई न्ह्यवंनिसें छगू जक राजनीतिक पार्टीया समर्थन यानाः समाचार व लेख पिथनेगु ज्या शुरु जूगुलिं थम्हं कार्यकारी सम्पादक पदं राजीनामा बियागु खँ वय्कलं धयादीगु दु ।
स्थापनाया मुल उद्देश्य स्वतन्त्र व निष्पक्षताय् हे आघात जुइगु तायेकाः थम्हं राजीनामा बियागु खँ नं वय्कलं धयादीगु दु ।
