'राष्ट्रपतिं ल्ह्वंगु पला: बाहेक मेगू निर्णण मान्य'

सूचना व संचारमन्त्री शंकर पोखरेलं राष्ट्रपतिं ल्ह्वंगु पलाःया बारे बाहेक उच्चस्तरीय राजनीतिक संयन्त्रया दक्वं निर्णय सरकारयात मान्य जुइगु खँ धयादीगु दु । वयेकलं धयादिल, 'राष्ट्रपतियात लाञ्छना लगे यायेगु बाहेक संयन्त्रया न्ह्या:गु निर्णय नं मान्य जुइ ।'

नेपाल पत्रकार महासंघं विराटनगरय् मंगलवाः याःगु पत्रकार सम्मेलनय् न्ववानादिसें मन्त्री पोखेरलं झिंच्यागू दलया सिफारिसय् राष्ट्रपतिं ल्ह्वंगु पलाःया विरुद्ध संयन्त्रं याइगु निर्णय सरकारयात छुं नं हालतं मान्य जुइ मखु ।

सराकारी प्रवक्ता नं जुयादिम्ह मन्त्री पोखेरलं माओवादी आन्दोलन या:यां त्यान्हुइधुंकूगु धयादिसें राष्ट्रपतिया विरुद्धया माओवादीया आन्दोलनया छुं अर्थ मदुगु धयादिल । नापं वयेकलं माओवादी नाप आः संवाद मार्फत सहमतिलय् वयेगुया विकल्प मदुगु धयादिल ।