द्वन्द्व ब्वलंका: ल्वाभ: दुथ्याकेगु षड्यन्त्र : भट्टराई
एकीकृत नेकपा (माओवादी)या उपाध्यक्ष डा. बाबुराम भट्टराईं वर्तमान सरकार द्वन्द्व ब्वलंका: कमिसनया निंतिं ल्वाभ: दुथ्याकेगु षड्यन्त्रय् यानाच्वंगु द्धपं बियादीगु दु ।
भैरहवाय् या:गु राष्ट्रिय औद्योगिक व्यापार मेला व पर्यटन महोत्सवया सोमवा: लिपांगु दिंसं भट्टराईं देशय् अप्वगु हत्या-हिंसा दिकेमफइगु सरकार नालायक जूगु टिप्पणी यानादिल । जनतां बूकुपिं सरकारय् दुगुलिं देशय् राजनीतिक स्थायीत्व जुयमफूगु खँ वय्कलं धयादिल ।
वय्कलं इलय् संविधान निर्माण व शान्ति प्रकृया निष्कर्षय् मथ्यंसा देशय् मेगु द्वन्द्व जुइगु व लखौं मनूतय्गु ज्यान वनेफुगु खतरा दुगु धयादिल । मेगू छगू प्रसंगय् वय्कलं नेपाली सेना व जनमुक्ति सेनायात मिलय् याना राष्ट्रिय सेना दयेकेमागु धयादिल । निगूलिं सेनाया समायोजन याना राष्ट्रिय सेना मदयेकुतले देशय् शान्ति संभव मदुगु भट्टराईया बिचा: प्वंकादिल ।
