गृहमन्त्री भीम रावलया राजीनामाया माग
थौं च्वंगु राज्य व्यवस्था समितिया वैठकय् सभासदतय्सं गृहमन्त्री भीम रावलया राजीनामाया माग या:गु दु । देशया शान्ति सुरक्षाया अवस्था नाजुक जुयावंगु व गृहमन्त्री भीम रावल सुरक्षा निकायया स्वम्ह प्रमुखयात नापं यंका विदेश भ्रमणय् वंगु इलय् येँ संचार उद्यमि जमिम शाहया हत्या जूगु धासें वैठकय् सभासद्तय्सं मन्त्री रावलया राजीनामाया माग या:गु ख । वैठकय् सरकारय् ब्वति दुगु दलया सभासदतय्सं तकं गृहमन्त्रीया राजीनामाया माग या:गु ख: ।
अथेहे सभासद्तय्सं देशय् छुं नं सुरक्षित मजूगु, राजधानीलय् न्हिनय् हे गोली क्येकूपिं अपराधीत नं बिस्यूवनेत ताःलाःगु, मस्त नापं छेँजया दक्वं मनूतय् हत्या जुलं नं राज्यया ध्यान मवंगु धासें गृहप्रशसानया आचोलना याःगु खः ।
सभासदतय्सं राजनीनाया माग यायेवं स्पष्टिकरणया झ्वलय् गृहमन्त्री रावलं अमेरिकाया ट्वीन टावर व मुम्बइ हमलाया दसु बियादिसें जमीम शाहया हत्या सामान्य जूगु धयादिल । वय्कलं शाह हत्याय् अन्तर्राष्ट्रिय आपराधिक पुचःया ल्हाः दुगु व प्रशासनं उकीया अनुसन्धानयात प्रभावकारी दयेकूगु नापं हत्या जुइवं प्रहरी परिचालन यानाःगु दाबी यानादिल ।
नापं बैठकय् सरकारया राष्ट्रिय सुरक्षा योजना विफल जूगु धासें सभासदतय्सं तच्वय्कं कुंखिनेवं समितिं झिन्हूया दुने राष्ट्रिय सुरक्षा नीतिया कार्ययोजनाबारे जानकारी माग या:गु दु ।
