प्रधानमन्त्रीनाप स्पष्टिकरण काइगु

व्यवस्थापिका संसदया राज्य व्यवस्था समितिं संवैधानिक निकायलय् खाली पदाधिकारी नियुक्त यायेत ढिला जुयाच्वंगु बारे प्रधानमन्त्री माधवकुमार नेपालनाप स्पष्टिकरण काइगु जूगु दु ।

सोमवाः च्वंगु समितिया बैठकय् सभासद्तय्सं नियुक्ति बारे प्रधानमन्त्रीयात सःता स्पष्टिकरण कायेगु व निश्चित समय सिमा दुने नियुक्तिया निंतिं निर्देशन बीत माग याःगु खः । सभासद्तय्सं राजनीतिक भागबण्डा मिलेमजूगु कारणं संवैधानिक निकायया पदाधिकारी नियुक्ति जुइमफुगु लजास्पद विषय जूगु टिप्पणी याःगु खः ।

राजनीतिक गतिरोधया कारणं लोकसेवा आयोग, निर्वाचन आयोग लगायत संवैधानिक निकायलय् ताः ई निसें पदाधिकारीत नियुक्त जुइफुगु मदुनी ।