स्वक्वःगु मधेश आन्दोलनया तयारी : गुप्ता
मधेशी जनअधिकार फोरमया सहअध्यक्ष जयप्रकाशप्रसाद गुप्तां थरुहट संघर्ष समिति व थःगु पार्टी मिलेजुयाः स्वक्वःगु मधेश आन्दोलनया तयारीलय् लगेजुयाच्वनाःगु खँ धयादीगु दु ।
सोमवाः सुनसरीया इनरुवालय् जुइत्यंगु मंकाः आमसभालय् ब्वति कायेत विराटनगर थ्यंकादिम्ह गुप्तां संचारकर्मीतनाप खँल्हानादिसें सरकारं थःगु पार्टी नाप याःगु सम्झौता पालना मयाःगुलिं फोरमं थरुहट संघर्ष समिति नाप मिलेजुया मधेशया मागयात पूवंकेत आन्दोलन यायेत्यनाःगु धयादिल ।
अथेहे वयेकलं शान्ति सम्झौताया कार्यान्वयन, राज्य पुनसंरचना व शासकीय स्वरुपया स्पष्ट खाका तयार मजुतल्ले न्हू संविधान जारी जुइमफइगु दाबी यानादिसें थुकीया निंतिं दलत दथुइ सहमति आवश्यक जूगु धयादिल । प्रमुख स्वंगू दलत माओवादी, कांग्रेस व एमाले संविधान निर्माण यायेत गम्भीर मजूगु द्वपं बियादिसें वयेकलं उच्चस्तरीय राजनीकि संयन्त्रया औचित्य मदुगु टिप्पणी यानादिल ।
