'माओवादी नेतृत्वया सरकार लिपाः जक शान्ति प्रकृया पूवनी'

एकीकृत नेकपा (माओवादी)या उपाध्यक्ष डा. बाबुराम भट्टराईं माओवादी नेतृत्वया सरकार लिपाः जक शान्ति प्रकृया पूवनीगु खँ धयादीगु दु । वयेकलं माओवादी नेतृत्वया सरकार गठन मजुतल्ले संविधान च्वयेगु व सेना समायोजन जुइमफइगु धयादिल ।

न्हापांगु नेपाल राष्ट्रिय प्राध्यापक संगठन अवध मधेश राज्यस्तरीय सम्मेलनया आइतवा: उल्लेज्या यानादिसें नेता भट्टराईं प्रधानमन्त्री माधवकुमार नेपालं सरकारया आयू ताः हाकेगु निंतिं जक सेना समायोजनया एजेण्डा ल्ह्वनाच्वंगु द्वपं बियादिल ।

वयेकलं माओवादी संवादया माध्यमं हे समस्या समाधान यायेत लगेजुयाच्वंगु धयादिसें वयेकलं सहज ढंगं समस्याया समाधन मजुसाः सतक संघर्षय् वनेगु ख्याच्वः बियादिल । वयेकलं सरकारया ज्याखँ पाखें सहज ढंगं निकास पिहांमवइगु शंका अप्वयावंगु दावी यानादिल ।