महिला शेलय् पुरुष उजुरी

येँ(सन्ध्या टाइम्स)/मिस्तय्त जुइगु थीथी कथंया यातना बारे उजुरी तयेगु लागिं धकाः देय्न्यंकंया जिल्ला प्रहरी कार्यालयय् महिला शेल नं तयातःगु दु। मेमेगु जिल्लाया अज्याःगु शेलय् मिस्तय्त जुइगु यातनाया उजुरी वः नं जुइमाः तर पर्सा जिल्लाया महिला शेलय् धाःसा मिस्तपाखें यातना फयाच्वने माःपिं मिजंतय्गु नं उजुरी वयाच्वंगु खँ अनया प्रहरीं धाःगु दु। अन मिस्त सिबें मिजंत हे कलाःपाखें यातना फयाच्वनेमाःगु समस्या ज्वनाः वनेगु यानाच्वंगु दु। वंगु पुस व माघय् जक दर्जन धइथें अज्याःपिं मिजंतय् उजुरी अन वयाच्वंगु दु ।