संयन्त्रं ज्या यायेमफुत : देउवा
नेपाली कांग्रेसया वरिष्ठ नेता शेरबहादुर देउवां राजनीतिक समस्या समाधान यायेत गठन जूगु उच्चस्तरीय रजनीतिक संयन्त्रं आशा याःगु कथं ज्या यायेगु मफुगु खँ धयादीगु दु । वयेकलं संयन्त्रय् स्वंगू दलया नेता जक दुथ्याःगुलिं थुकीं राजनीतिक गतिरोध यायेमफुगु धयादिल ।
नेपाली कांग्रेस रुपन्देहीं आइतवाः भैरवाहय् ग्वसाःग्वःगु पत्रकार सम्मेलनय् नेता संयन्त्र छम्हं मेम्हेसित द्वपं बी शुरु याःगु द्वपं नं बियादिल । अथेहे वयेकलं माओवादी अध्यक्ष पुष्पकमल दाहाल 'प्रचण्ड'यात प्रधानमन्त्रीया पद माःगु तर माधवकुमार नेपालं पद त्वते चाहेमजूगुलिं रजनैतिक समस्या हल जुइमफुगु दावी यानादिल ।
ज्याझ्वलय् वयेकलं योग्य माओवादी लडाकुयात सुरक्षा निकायलय् समायोजन यायेफइगु धयादिल । दलत दथुइ मापदण्ड गाःपिं लडाकुयात सुरक्षा निकाय अर्न्तगतया सेना, जनपद, सशस्त्र व मेमेगु सुरक्षा निकाय स्थापना यायेगु सहमति जूगु वयेकलं धयादिल । वयेकलं न्हूगु संविधान घोषणा जुइ न्ह्य: हे माओवदी लडाकुया समायोजन जुइमाःगु खँय् बः बियादिल ।
