हाकन स्यात मेम्ह चितुवा

येँया जोरपाटी गाविसय् थौं सुथय् प्रहरीं गोलीं कयेका छम्ह चितुवा स्याःगु दु । गोर्कणया जंगलं वःगु अनुमान याःगु चितुवा सुथय् गुता इलय् न्हापांगु खुसिइ खनेदुगु खः । उम्ह चितुवायात स्थानिय मनूतय्सं कथि व ल्वाभः ज्वनाः लिनायंकेवं ज्यान जोगेयायेत बिस्युवनेगु भुवलय् दयेकाच्वंगु छेँ दुहाँवना छम्ह मनूयात झम्टेयात । चितुवाया हःतालय् लाना घाःपाः जूम्हेसित जोरपाटीया शिक्षण अस्पतालय् भर्ना याःगु दु ।

मनूतय्सं लिनाहयेवं ज्यान जोगेयायेगु झ्वलय् स्वानेतःले सुलाच्वंम्ह चितुवायात प्रहरीं झिंछतात्या इलय् गोलीं कयेका स्यानाब्यूगु खः ।