राजनीतिक गतिरोध अन्त्य यायेगु सहमित
प्रमखु दलतया शीर्ष नेतात दथुइ गुलिफत याकनं वर्तमान गतिरोध अन्त्य यायेगु सहमति जूगु दु ।
शनिवाः सुथय् नेपाली कांग्रेसया सभापति गिरिजाप्रसाद कोइराला निवास महाराजगंजय् च्वंगु उच्चस्तरीय राजनीतिक संयन्त्रया बैठकय् राजनीतिक गतिरोध अन्त्य मयासें मेगु ज्याखँ याये थाकुइगु जूगुलिं दकलय् न्हापां थुकीया अन्त्य यायेगु सहमति जूगु खँ बैठकय् उपस्थित माओवादी उपाध्यक्ष नारायणकाजी श्रेष्ठ 'प्रकाशं' कनादिल ।
बैठकय् प्रधानमन्त्री माधवकुमार नेपालं सेना समायोजन बारे संयन्त्रं निर्णय यायेत प्रस्ताव तयादीगु खःसा माओवादीं दकलय् न्हापां राजनीतिक गतिरोध चीकातिनि मेगू विषयलय् दुहांवनेमाःगु अडान काःगु खः ।
संयन्त्रया संयोजक नापं कांग्रेस सभापति कोइराला उसाँय् मदुगुलिं वंगु बिहीवाः च्वनेमाःगु बैठक लिछ्यानाः थौं तिनि च्वंगु खः । बैठकय् संयोजक कोइराला नापं माओवादी अध्यक्ष पुष्पकमल दाहाल 'प्रचण्ड', एमाले अध्यक्ष झलनाथ खनाल, संयन्त्रया आमन्त्रित दुजः प्रधानमन्त्री नेपाल लगायत नेतातय् उपस्थिति दुगु खः ।
