ट्रयाक्टर दुर्घटनाय् प्यम्ह सित
उदयपुरय् शुक्रवाः बहनी जूगु ट्रयाक्टर दुर्घटनाय् प्यम्ह सिगु दु । सगरमाथा लोकमार्गया गाईघाट सतक खण्ड अर्न्तगत उदयपुर जिल्लाया त्रियुगा नगरपालिका-११ चुरेलय् जन्ती कयाः वःगु ट्रयाक्टर दुर्घटना जुयाः छम्ह भारतीय नागरिक सहित स्वम्ह घटनास्थलय् हे सिगु खः ।
सिरहाया मझौरां जन्ती कयाः जयाच्वंगु स. १. त. १०९५ नम्बरया ट्रयाक्टर शुक्रवा बहनी झिताः इलय् दुर्घटना जुया भारत मधुवनीया नीछदँया महेश सदाय, सिरहा भवानीपुरया झिदँया मचा दिपक सदाय, सप्तरी मधुपटीया पीन्यादँया बालाकिशोर सदाय व सिराहा निवासी कोइरी महतो घटनास्थलय् हे मदुगु खः ।
अथेहे दुर्घटनाय् नीनिम्ह घाःपाः जूगु दु । उकी मध्ये प्यम्हेसिया अवस्था गम्भीर जूगुलिं धरानया विपि कोइराला स्वास्थ्य विज्ञान प्रतिष्ठनय् वासः जुयाच्वंगु दुसाः ल्यं दुपिंनि जिल्ला अस्पताल उदयपुरय् वासः जुयाच्वंगु दु ।
