थौं सिलाचःह्रे

येँ (सन्ध्या टाइम्स)/थौं सिला चःह्रे अर्थात महाशिवरात्रि। दँय्दसं थौंया दिनय् नेवाःतय्सं सिला चःह्रे धकाः दाफा थायेगु त्वाःत्वालय् थीथी द्यःया देगः न्ह्यःने मि च्याकेगु ज्या याइ। उगु मि च्याकेगु लागिं थौं लँय् लँय् जगाः कायेगु व सिँ फ्वं वनेगु चलन दु। थौं देय्न्यंकंया महाद्यःया देगलय् हिन्दू धर्मावलम्बीतय् तंगु भिड जुयाच्वंगु दु। थौं सुथंनिसें येँया पशुपतिइ तःधंगु मेला जूगु दु। पशुपतिइ थौं छन्हुइ जक खुगू लाख भक्तजन वइगु अनुमान दु। पशुपतिइ थौं राष्ट्रपति डा. रामवरण यादव व पुलांम्ह जुजु ज्ञानेन्द्र शाह नं वनीगु खँ धाःगु दु। उगु लागाय् थौं गाडी निषेध यानातःगु दु ।