थौं सेना दिवस

येँ (सन्ध्या टाइम्स)/नेपाली सेनां दँय्दसं थें थौंया न्हियात सेना दिवस कथं न्यायेका वयाच्वंगु दु। शिवरात्रिया न्हियात हे नेपाली सेनां 'सेना दिवस' कथं न्यायेका वयाच्वंगु खः। थौं सेना दिवसया लसताय् येँया तिंख्यलय् विशेष समारोह याःगु दु। सेनाया उगु ज्याझ्वलय् राष्ट्रपति, उप राष्ट्रपति, प्रधानमन्त्री, रक्षा मन्त्री नापं थीथी मन्त्री व कुटनीतिक नियोगया पदाधिकारीतय्सं ब्वति कयादीगु खः ।