सचेतना विकास मजुतले भ्रष्टाचार नियन्त्रण जुइफइखु : प्रम
प्रधानमन्त्री माधवकुमार नेपालं उच्च तहलय् च्वनाच्वंपिं पदाधिकारीपाखें हे भ्रष्टाचार जुइगु यानाच्वंगुलिं नेपालय् भ्रष्टाचार नियन्त्रण यायेत तसकं थाकुयाच्वंगु खँ धयादीगु दु । वय्कलं नेपालं नागरिक याके भ्रष्टाचार अपराध ख: धइगु सचेतना विकास मजुतले भ्रष्टाचार नियन्त्रण जुइमफइगु धयादिल ।
अख्तियार दुरुपयोग अनुसन्धान आयोगया झिंगुक्वगु पलिस्था दिवसया लसताय् आयोगया ज्याकू भाटभटेनीइ थौं जूगु ज्याझ्वलय् प्रधानमन्त्री नेपालं आयोग ताःहाकःगु इलं निसें पदाधिकारी विहीन दुगु खँच्यूता प्वंकादिसें आयोगया प्रमुख आयुक्त याकनं नियुक्त यायेत थम्हं पहल यायेगु धयादिल ।
संवैधानिक परिषदया बैठक नियमित जुइमफयेवं थीथी आयोगय् पदाधीकारी नियुक्त यायेमफूगु खँ वय्कलं धयादिल ।
ज्याझ्वलय् संविधान सभाध्यक्ष सुवासचन्द्र नेम्वाङं आयोगं पलिस्था दिवस हनेगु जक मखसें भ्रष्टाचार नियन्त्रण यायेत नं प्रभावकारी ढंगं न्ह्यने न्ह्यासा: जक आयोगया सार्थकता जुइगु बिचा: प्वंकादिल ।
