'योग्य जनमुक्ति सेनायात सेनाय् समायोजन यायेमा:'
एकिकृत नेकपा (माओवादी)या सचिव सिपी गजुरेलं क्यान्टोनमेन्टय् दुपिं फुक्क जनमुक्ति सेनायात राष्ट्रिय सेनाय् समायोजन यायेगुया विकल्प मदुगु बिचा प्वंकादीगु दु ।
क्रान्तिकारी पत्रकार संघं बिहीवा: विराटनगरय् याःगु पत्रकार नापलायेगु ज्याझ्वलय् नेता गजुरेलं अनमिनं योग्य प्रमाणित या:पिं फुक्कं जनमुक्ति सेनायात नेपाली सेनाय् समायोजन याना: राष्ट्रिय सेना निर्माण यायेमा:गु धयादिल । अनमिनं अयोग्य प्रमाणित या:पिं फुक्कसित सहमति कथं माआवादीं छगू तर्फि रुपं व्यवस्थापन या:गु धासें गजुरेलं ल्यं दुपिं योग्य सेनाया विषयस सुनां नं न्ह्यसः थने मदुगु धयादिल ।
वय्कलं अनमिनपाखें निक्व:गू खुसिइ प्रमाणिकरणय् योग्य जुपिं झिंगुद्ध व खुस जनसेना न्हूगु राष्ट्रिय सेनाय् समायोजन जुइगु धयादिल । सेना समायोजन व न्हूगु संविधान लिसलिसे न्ह्यने न्ह्यायेगु विषय ख: धयादिसें गजुरेलं सरकार उकिया विरुद्ध दना शान्ति व संविधानयात स्यंकेत लगे जुयाच्वंगु द्बपं बियादिल ।
अथेहे नेता गजुरेलं सरकारया सुरक्षा नीतिया कारण संवेदनशील क्षेत्रय् संचार उद्यमी जमिम शाहया हत्या जूगु व अपराधू नं ब्यूस्युं वनेत ता:लागु धयादिल । वय्कयलं थ्व हत्यां राष्ट्रियताया पक्षय् आन्दोलन यानाच्वंगु माओवादी पार्टीया नेतात लगायत फुक्क राष्ट्रवादी पक्षयात हाथ्या तनेगु ज्या जूगु बिचा: प्वंकादिल ।
