लडाकु समायोजन मजुतले राजनीतिं निकास काइमखु : उपप्रम
उपप्रधानमन्त्री नापं परराष्ट्रमन्त्री सुजाता कोइरालां माओवादी लडाकुया समायोजन मजुतले देय्या राजनीतिं निकास मकाइगु खँ धयादीगु दु । वय्कलं सरकारयात ग्वाहालि यायेत उच्चस्तरीय राजनीतिक संयन्त्रया निर्माण जुगु दावी यानादिसें देय्या राजनीतिं निकास कायेन्ह्य लडाकु समायोजन प्रक्रिया क्वचायेकेमा:गु धयादिल ।
उपेक्षीत, उत्पीडीत दलित वर्ग उत्थान समिति मोरङय् बिहीबार या:गु 'दलित समुदायया भावी योजना तर्जुमा' विषयक गोष्ठीइ वय्कलं उच्चसतरीय राजनीतिक संयन्त्रया न्हापांगु ज्या माओबादी लडाकुया व्यवस्थापन यायेगु जूगु धयादिल । सरकारयात ग्वाहालि यायेत संयन्त्र गठन जूगु दावी यानादिसें कोइरालां संयन्त्रयात फुक्कसिनं ग्वाहालि यायेमाःगु बिचा: प्वंकादिल ।
ज्याझ्वलय् वय्कलं माओवादीयात सरकारपिने तया शान्ति प्रक्रिया क्वचायेके मफइगुलिं निर्धारित इलय् संविधान निर्माण यायेत माओवादीयात सरकारय् दुथ्याके मा:गु धयादिल ।
