संचार उद्यमी जमीम शाहया अन्त्यष्टि

वंगु आइतवा: येँया लाजिम्पाटय् न्हिनय् हे गोलीं लानाः सीम्ह संचार उद्यमी जमीम शाहया थौं अन्त्यष्टि या:गु दु ।

शाहया स्वयम्भुइ इस्लामिक परम्परा कथं अन्यष्टि या:गु खः । नेपालं पिने च्वनाच्वंम्ह शाहया काय् नेपा: थ्यंकेत लिबागु कारण थौं अन्त्यष्टि याःगु वय्कःया पारिवारिक स्रोतं जानकारी ब्युगु दु ।

स्पेस टाइम नेटवर्कया नाय शाहया हत्या जुगु न्यान्हू बिलं नं प्रहरीं हत्यारायात ज्वने मफुगु विरोधय् संचारकर्मी व थीथी पेशाकर्मीतयसं विरोध यानावयाच्वंगु दु ।

वंगु आइतवा: मोटरसाइकलय् च्वना: व:पिं निम्ह अपरिचित मनूतय्सं शाहयात वय्कः च्वनावंगु गाडिइ हे गोलि कयेका: स्याःगु ख: ।