जमिमया हत्याया आशंकाय् छम्ह भारतीय ज्वन

संचार उद्यमी जमिम शाहया हत्याया आशंकाय् प्रहरीं बिहीवाः त्रिभुवन अन्तराष्ट्रिय विमानस्थलय् छम्ह भारतीय नागरिकयात ज्वंगु दु ।

येँ नं जेट एयरया विमानं दिल्ली वनेत्यंम्ह भारतीय नागरिक मनोज अब्बुकरयात न्हिनय् स्वताः इलय् प्रहरीं ज्वंगु खः । भारतया मध्यप्रदेश स्थित बिपुलाय् च्वनीम्ह अब्बबुलकर मोरङय् ज्या यानाच्वंम्ह खः । अब्बुल्करया आः गौसाला प्रहरी ज्याथू तयातःगु दु ।

प्रहरीया कथं अब्बुलकर बिहीवाः सुथय् विराटनगरं येँ वःगु खः । प्रहरीं घटनाय् अन्तर्राष्ट्रिय अपराधिक पुचःया ल्हाः दुगु दाबी याःगु खः ।