थौं नं पत्रकारतय् प्रदर्शन

येँ (सन्ध्या टाइम्स)/संचार उद्यमी जमीम शाहया हत्याया विरोधय् नेपाल पत्रकार महासंघया आह्वानय् थौं नं पत्रकारतय्सं येँय् प्रदर्शन याइगु जूगु दु। थौं सनिलय् स्वताः इलय् र्‍याली पिकायेत्यंगु खः। आइतवाः जमीम शाहयात न्हिनय् हे गोलीं कयेका स्याना बिउगु घटनाय् स्वापू दुपिंत ज्वनाः कारवाही यायेमाःगु नापं शान्ति सुरक्षाया व्यवस्था यायेमाःगु माग यासें म्हिगः नं पत्रकार महासंघया आह्वानय् येँय् विराध प्रदर्शन याःगु खः ।

उगु काण्डय् तत्काल सक्रिय मजूगु धइगु द्वपं बियाः प्रहरी सहायक निरीक्षक लोकेन्द्र पाण्डे नापं प्यम्ह प्रहरीयात गृह मन्त्रालयं निलम्बन याःगु दु। हवल्दार तुला अधिकारी, प्रहरी जवान दुर्योधन यादव व अनिल राईयात नं निलम्बन याःगु खः। प्रहरीं हत्यारातय्सं छ्यःगु मोटरसाइकल बरामद यायेधुंकूगु दु ।