थौं नेपाली कांग्रेसया पदाधिकारीतय्गु मुँज्या
येँ (सन्ध्या टाइम्स)/नेपाली कांग्रेसया न्हिगः च्वंगु केन्द्रीय कमिटीया मुँज्यां पार्टीया झिंनिक्वःगु महाधिवेशन लिछ्यायेगु खँ क्वःछिनाः उकिया निंतिं माःगु तयारी यायेगु भाला बिउगु हुनिं थौं नेपाली कांग्रेसया केन्द्रीय पदाधिकारीतय्गु मुँज्या च्वंगु दु। पार्टी दुने महाधिवेशनया निंतिं सदस्यता नवीकरण नापं थीथी विषययात कयाः समस्या ब्वलंगु हुनिं उज्वःगु समस्या समाधान यायेगु भाला केन्द्रीय पदाधिकारीतय्त बिउगु खः। कांग्रेसया झिंनिक्वःगु महाधिवेशन वइगु फागुन २६ गतेनिसें यायेगु धयातःगु खः। कन्हय् हाकनं कांग्रेस केन्द्रीय कमिटीया मुँज्या च्वनीगु जूगु दु ।
