येँया मौसम सुधार

येँ (सन्ध्या टाइम्स)/म्हिगः न्हिच्छि वा वयाः ख्वाउँसे च्वंगु स्वनिगःया मौसम कन्हय्निसें जक पूर्ण सुधार जुइगु खँ मौसम पूर्वानुमान महाशाखां धाःगु दु। थौं नं सनिलय् भचा वा वयेफुगु अनुमान दु। स्वनिगःया मौसम थौं सुथय् न्युनतम ७ डिग्री सेल्सियस दु। म्हिगः न्हिछि हे वा वयाः पहाडी जिल्लाय् च्वापु वा गाःगु खः। उखे म्हिगः वःगु वां यानाः देय्न्यंकं बुँइ ह्वलातःगु छ्व नापं थीथी वाली बांलाःगु खँ कृषि विज्ञतय्सं धाःगु दु। पहाडी लागाय् कःनि व हिमाली लागाय् आलु बाली बांलाःगु खँ नं धाःगु दु ।