सभापति ल्ययेत सहमति कुतः
संविधान दयेकेगु निंतिं नीस्वंगु थीथी झिंप्यंगू पुचःया सभापतिइ सर्वसम्मति दयेकेगु निंतिं थौं स्वंगू पार्टीया बैठक च्वनेत्यंगु दु । नेपाली कांग्रेस, एमाले व माओवादी दथुइ थ्व बैठक च्वनेत्यंगु खः ।
थौंया बैठकय् फयांफक्व सर्वसम्मितं हे सभापति ल्ययेगु निंतिं कुतः जुयाच्वंगु खँ सम्बन्धित स्रोतं धाःगु दु ।
यदि थौं स्वंगू दल दथुइ सहमति मजुल धाःसा कन्हय् सभापतिया निर्वाचन जुइ ।
उखे थीथी समितिया निर्वाचनया निंतिं उम्मेदवार बीगु न्हि थौं क्वःछिनातःगु दु । थौं सुथय् १० बजे निसें ५ बजे तक मनोनयन दर्ता यायेगु ज्याझ्वः दु । अथे हे ५ बजे उम्मेदवारतय् लिपांगु नांधलः पिथनेगु ज्याझ्वः दुसा कन्हय् सुथय् ८ बजे संविधानसभाय् व १० बजे व्यवस्थापिका सदनय् मतदान यायेगु ज्याझ्वः दु ।
