साहित्यकार श्यामदास म्हं मफु
येँ (सन्ध्या टाइम्स)/ पलिस्थाया नायः लिसें साहित्यकार श्यामदास प्रजापति म्हं मफयाः अस्पताल भर्ना जुयादीगु दु।
वंगु विहीवाः आकाझाकां म्हं मफयेवं वय्कःयात थनया काठमाडौं हस्पिटलय् भर्ना याःगु खः। ताः ई न्ह्यवंनिसें दम ल्वचं कयाच्वंम्ह वय्कःयात आकाझाकां श्वासप्रश्वासय् समस्या खनेदयेवं अस्पताल भर्ना याःगु खः ।
चिकित्सकतय्सं आः वय्कःया स्वास्थ्य न्हापा स्वयां सुधार जूगु जानकारी बिउगु दु ।
