थौं मैथिलीं सपथ
येँ (सन्ध्या टाइम्स)/निस्क्रिय जुयाच्वंम्ह उप राष्ट्रपति परमानन्दं झां मैथिली भासं सपथ ग्रहण यायेत राष्ट्रपतियात पौ छ्वयादीगु दु। वय्कलं सपथया व्यहोरा मैथिली भासं अनुवाद यानाः म्हिगः राष्ट्रपति ज्याकुथी दर्ता यानादीगु खः। यदि खय् भाय् मेगु भासं सपथ ग्रहण यायेगु खःसा २४ घौ न्ह्यः उकिया अनुवाद लःल्हायेमाःगु प्रावधान दु ।
वय्कःपाखें अज्याःगु पौ वयेवं राष्ट्रपति भवनय् थौं वय्कःयात पुनः सपथ ग्रहण याकेगु ज्याझ्वः दयेकूगु दु। थौं न्हिनय् ३.३० बजे सपथ ग्रहणया ग्वसाः दु। न्हापा न्हिन्दी भासं सपथ ग्रहण यात धकाः सर्वोच्च अदालतं वय्कःया पद निस्क्रिय याना बिउगु खः ।
