जमिम शाहया गोली क्येकाः हत्या

स्पेशटाइम नेटवर्कका अध्यक्ष जमिम शाहया आइतवाः न्हिनय् गोली क्येकाः हत्या याःगु दु । वयेकयात येँया लाजिम्पाटय् निम्ह अज्ञात मनूतय्सं गोलीं क्येकूगु खः । गोलीं लायेवं वासः याकेत शिक्षण अस्पताल यंकूसां शाहयात न्हिनय् प्यताः इलय् अस्पतालं मदुगु घोषणा याःगु खः ।

अथेहे गोलीं लानाः सामाखुशीया व्यापारी मथुरामान मालाकार घाःपाः जूगु दु । बा. १५. प. ८५३३ नम्बरया मोटरसाइकलय् वःपिं निम्ह अज्ञात मनूतय्सं शाहया निजी कार बा. १. च. २१५१य् सवार निम्हेसित गोलीं क्येकूगु खः । शाहयात छातीइ गोलीं लाःगु खःसा मालाकारयात तुती गोलीं लाःगु दु ।

गोली क्येकूपिंनि मालेज्या तीव्र रुपं जुयाच्वंगु खँ प्रहरीं धाःगु दु ।