'माओवादी लडाकुया वास्तविक ल्याः स्वद्वं जक'
उप्रपधानमन्त्री सुजाता कोइरालां माओवादी लडाकुतय् वास्तविक ल्याः स्वद्वं जक जूगु खँ धयादीगु दु । वयेकलं माओवादी धाः कथं उमिके झिंच्याद्वं लडाकुत मदुगु दाबी यानादिसें वयेकलं थीथी कारणं माओवादीं थःगु लडाकुतय् ल्याः अप्वः यानाः धाःगु द्वपं बियादिल ।
नेपाल छापाखाना व सम्बद्ध श्रमिक संघया आइतवाः ख्वपःया सानोठिमीइ याःगु छगू ज्याझ्वःया उल्लेज्या यानादिसें वयेकलं न्हय्गु शिविरय् दुपिं अयोग्य लडाकुयात युएनया जिम्मा बिधुंकूगुलिं ल्यँ दुपिंत तत्काल समायोजन व पुनस्थापना यायेमाःगु धयादिल । वयेकलं माओवादीया सेना समायोजन मजुतल्ले न्हूगु संविधान जारी मजुइगु व चुनाव नं मजुइगु धयादिल ।
अथेहे वयेकलं उच्चस्तरीय राजनीतिक संयन्त्रया न्हापांगु प्राथमिकत लडाकु समायोजन, शान्ति प्रकृयायात निष्कर्षय् थ्यंकेगु व न्हूगु संविधान च्वयेगु धयादिल । संयन्त्र देय्यात निकास बीत गठन जूगु धयादिसें वयेकलं थुकीयात माओवादीं नं आवश्यक ग्वाहालि यायेमाःगु खँय् बः बियादिल ।
