थनिंनिसें संविधानया पूर्ण मस्यौदा च्वइगु

येँ (सन्ध्या टाइम्स)/संविधानसभाया संवैधानिक समितिं न्हूगु संविधानया निंतिं थनिंनिसें हे पूर्ण मस्यौदा च्वयेगु ज्या न्ह्याकूगु जूगु दु। संवैधानिक समिति नापं झिगू विषयगत समितिपाखें थःथःपिनि मस्यौदा प्रतिवेदन संविधानसभाय् सहलह क्वचायेधुंकूगुलिं थनिंनिसें संवैधानिक समितिपाखें फुक्क समितिया खँ दुथ्याकाः संविधानया पूर्ण मस्यौदा च्वयेगु ज्या न्ह्याकूगु खः। संविधानया मस्यौदा तयार यायेधुंकाः जनतायाथाय् उगु मस्यौदा ज्वनाः सभासदपिं वयेमाःगु प्रावधान दयेकातःगु दु ।