ल्वापु जुयाः कलेज अनिश्चितकाल बन्द
येँ(सन्ध्या टाइम्स)/एनेकपा (माओवादी)या भ्रातृ संगठन अखिल (क्रान्तिकारी) व नेपाली कांग्रेसया भ्रातृ संगठन नेपाल विद्यार्थी संघ दथुइ जूगु ल्वापुं यानाः लमजुङया कृषि क्याम्पस अनिश्चितकाल तकया नितिं बन्द जूगु दु। ल्वापु जुयाः निगुलिं हे संगठनया कार्यकर्तात घाःपाः जूगु दुसा क्याम्ससय् मि तयाः फर्निचर च्याकेगु नापं तोडफोड यायेगु ज्या नं जूगु खः। ल्वापुं यानाः क्याम्पसय् क्षति जूगुलिं क्याम्पस प्रशासनं अनिश्चितकाल तकया नितिं क्याम्पस हे बन्द याना बिउगु खः ।
