थौं अन्तिम सहलह
येँ (सन्ध्या टाइम्स)/ संविधानसभाया थीथी विषयगत समितिपाखें तयार याःगु प्रारम्भिक मस्यौदाय् सहलह ब्याकेगु झ्वलय् थौं दकलय् लिपांगु सहलह कथं राज्य पुनर्संरचना नापं राज्य शक्ति बाँडफाँट समितिं तयार याःगु मस्यौदायात कयाः सहलह ब्याकीगु जूगु दु। राज्य पुनर्संरचना बारे थौं अन्तिम सहलह जुइत्यंगु खः। संविधानसभाया थीथी विषयगत समितिं तयार याःगु मस्यौदा मध्ये दकलय् अप्वः बहस जूगु विषय नं राज्य पुनर्संरचना हे खः ।
थौं नं सभासदतय्सं थःथःगु धापू तयेधुंकाः उगु समितिया सभापति लोकेन्द्र बिष्ट मगरं अन वःगु न्ह्यसःया लिसः बियादी। अनं लिपा सभासदतय्सं बिउगु सुझाव नापं दुथ्याकाः संविधानसभाया संवैधानिक समितिइ छ्वइ ।
