पूर्व माओवादी भेला
येँ (सन्ध्या टाइम्स)/माओवादीलिसे असहमति जुयाः पार्टी त्वःता वःम्ह पुलांम्ह माओवादी नेता मणि थापां आः थः थें हे माओवादी त्वःताः थौंकन्हय् थीथी राजनीतिक पुचः चायेकाच्वंपिं पूर्व माओवादी नेतातय् भेला सःतादीगु दु। वय्कलं थः नापं तराईया सशस्त्र पुचःया नेतात ज्वाला सिंह, चन्द्रदेव गोइत व मातृका यादवयात समेत उगु सम्मेलनय् सःतादीगु खँ सीदुगु दु। भेलाया उद्देश्य छु खः धइगु सी मदुसां थःपिंसं माओवादी त्वःता वयेधुंकाः हानं छधी जुयाः मेगु हे कथंया आन्दोलन न्ह्याकेगु बारे सहलह यायेत उगु भेला सःतूगु अनुमान सूत्रं याःगु दु ।
