श्यामदासया 'सःबसः जिन्दगी'

येँ (सन्ध्या टाइम्स)/नेपालभाषाया बाखं च्वमि श्यामदासया मुक्तक मुना सफू 'सःबसः जिन्दगी' पिहां वःगु दु।
शनिवाः छगू बःचाधंगु ज्याझ्वःया दथुइ समालोचक इन्द्र मालीं उगु सफूया विमोचन यानादीगु खः। लिसें भाजु मालीं विमोचित सफूयात कयाः संक्षिप्तं समीक्षा नं यानादिल।
ज्याझ्वः कवि भगतदास श्रेष्ठया सभापतित्वय् जूगु खः। सफू मिजला प्रजापति कायस्थपाखें पिथंगु खः ।

चिचीहाकःगु १२७ पु मुक्तक दुथ्याःगु थ्व सफू भाजु श्यामदासया प्यंगूगु सफू खः। थ्व स्वयां न्ह्यः स्वंगू बाखं सफू पिहां वयेधुंकूगु दु ।