आयु संस्कार परित्याग दिवस
ख्वप (सन्ध्या टाइम्स)/सिद्धार्थ गौतम बुद्धं थनिं स्वला लिपा जि महापरिनिर्वाण जुइ धकाः घोषणा यानाबिज्याःगु न्हियात लुमंकाः वंगु पुन्हि कुन्हु भोजनदान व बुद्ध पुजा यानाः आयु संस्कार परित्याग दिवस हन। मैत्रय युवा संघ, युवा बौद्ध पुचः व मुनि विहारया मंकाः ग्वसालय् जूगु उगु ज्याझ्वलय् मुनि विहार केन्द्रया परियत्ति ब्वँमितय्सं भिक्षु संघयात भोजन प्रदान याःगु खः ।
थ्व लसताय् जूगु बुद्ध पुजाय् भिक्षु थानसठ्ठो महास्थविरपाखें धर्मोपदेश यानाबिज्याःगु खःसा भिक्षु आनन्दं आयु संस्कार परित्याग विषयय् कनाबिज्यात। ज्याझ्वलय् तिर्थराज वज्राचार्यं लसकुस यानादीगु खः ।
