महालेखाय् नं लेखा समितिया निर्देशन
येँ (सन्ध्या टाइम्स)/व्यवस्थापिका संसद अन्तर्गतया सार्वजनिक लेखा समितिं महालेखा परीक्षकया नियुक्ति तत्कालया निंतिं दिकेत निर्देशन बिउगु दु ।
समितिया आः नकतिनि च्वंगु मुँज्यां सरकारया मुख्य सचिव माधव घिमिरे व थीथी मन्त्रालयया सचिवपिंके बेरुजु फर्छ्यैटया बारे जानकारी कायेधुंकाः वंगु स्वदँ न्ह्यःनिसें महालेखा परीक्षक मदुगुलिं हे बेरुजु फर्छ्यैटय् समस्या जुयाच्वंगु निष्कर्ष पिकासे थुकथंया निर्देशन जारी याःगु खः।
समितियात जानकारी बीगु झ्वलय् मुख्य सचिव घिमिरें थुगु आर्थिक दँय् ख्वीगू प्रतिशत तक बेरुजु क्वपालेगु व स्वीन्यागू प्रतिशत तक बेरुजु क्वपाले मफुपिं सचिवतय्त कारवाहीया प्रक्रिया न्ह्याकेगु नं खँ धयादीगु दु ।
